Onte á tarde tivo lugar unha nova reunión do denominado Novo Proxecto Común, unha nova organización política que se pretende crear co centro de gravidade na esquerda e de carácter nacionalista-galeguista. O acto deu lugar a un debate que se extendeu por máis de dúas horas con un bo número de intervencións.
No Salón de Peña de Cambados os reunidos participaron asemblearmente e decidiron constituir oficialmente a Asemblea do Salnés, dotala de estrutura subcomarcal, así como enviar nas semanas vindeiras representantes da bisbarra a Compostela para coordinarse con outras asembleas do país e pautar o nacemento da nova forza. Estas asembleas de base están a traballar no país (hai cando menos 25 comarcas con asemblea) ao mesmo tempo que partidos que abandonaron o BNG ou outros que non pertencían a el manteñen conversas sobre a xestación da nova organización.
Cambados(tk) 
Conversa
Aínda non hai comentarios.