A Xunta Electoral de Zona de Cambados deu a razón ao BNG na denuncia presentada onte pola visita do delegado da Xunta, Cores Tourís ás obras de reforma que se levan a cabo na Cultural. Sobre a mesma,a Xunta Electoral declara que “constituye una actividad durante el periodo electoral de las prohibidas ” pola Lei, xa que segundo a XEZ trátase dunha “actividad financiada por un poder público y que contiene alusiones a los logros obtenidos por el mismo”, algo expresamente ilegal en tempo preelectoral.
A Xunta Electoral remitiu o informe á Xunta para que tome as medidas oportunas e cese a convocatoria deste tipo de actos ilegais. Non se barallan, porén, ningún tipo de sancións polo ocorrido. O BNG congratulouse pola decisión, que en palabras do seu responsable comarcal “non podía ser outra”. Ademais expresou que o PP está a levar a cabo a campaña do “todo vale” e pide a cidadanía que tome nota do comportamento de cadaquén. Imaxe de La Voz de Arousa.
Conversa
Aínda non hai comentarios.