A reforma da Cultural adquiriu onte o matiz máis personalista coa re-inauguración da nova sede. Unha inauguración na que tomaron parte o presidente da Asociación, Luís Somoza, o Presidente da Deputación (institución que financiou cun millón de euros a obra), Rafael Louzán, o alcalde Luís Aragunde, o delegado da Xunta Cores Tourís e e deputada do PP Rosa Oubiña.
O presidente da Cultural, que selou oficialmente a paz co seu anterior rival na Confraría Benito González (ao que agora parece unir as preferencias en política), declarou segundo La Voz de Arousa que todo o que toca vai para arriba. E non houbo disimulo; Rafael Louzán, Aragunde e Cores Tourís recibiron a “insignia de ouro” da entidade. Louzán no seu discurso encargouse de rebatir a quen consideramos que o gasto nesta obra foi desproporcionado porque “é unha inversión para que as persoas teñan onde xuntarse”.
Agora toca ver e comprobar se se fai realidade a idea de que a Cultural pase a formar parte dos locais do Concello e dispoña dun programa propio de actividades. É o mínimo que podemos agardar cando os cidadáns, que non recibimos onte insignia ningunha, investimos os nosos cartos en reparar a sede dunha asociación de carácter privado.
Relacionado
Louzán “sorprendido” pola oposición á inversión na Cultural – Novembro 2011
Cambados(tk) 
Conversa
Aínda non hai comentarios.