É un tema que leva anos nos xornais. En 2008 a concesionaria da piscina municipal renunciaba ás instalacións polas altas facturas relacionadas con mantemento debido ás grandes perdas de calor. A culpa era da cuberta móbil, que no seu momento o Concello defendeu para compatibilizar piscina climatizada con piscina de verán.
Unha semana despois dese toque de atención a Corporación acordou acometer obras de mellora, non sen que o voceiro do BNG lembrara que esta formación sempre se amosara a favor dunha cuberta fixa e non pola que finalmente se optou e demostrou non ser válida. Pero non foi até 2010 cando a Consellaría de Deportes anunciou que as obras sairían a licitación.
Retrasos nos trámites provocaron que Xunta e Concello tiveran que asinar outro convenio en 2011.Agora, o Goberno Galego vén de publicar na súa web que suspende a adxudicación das obras (polas que en 2010 competían trece empresas) por culpa da “política de axustes de control de gastos e de priorización de investimentos implementada pola Xunta”.
Cambados(tk) 
Conversa
Aínda non hai comentarios.