N’O Grove terán unha Rúa Isaac Díaz Pardo

A páxina web Todogrove.com informa do resultado das votacións do pleno de onte do veciño Concello d’O Grove. Un punto na orde do día era a moción do concelleiro do Partido Galeguista, Alfredo Bea, na que se pedía un acordo para outorgar o nome dunha rúa ao intelectual galeguista recentemente falecido Isaac Díaz Pardo. Todos os partidos (nunha corporación multicolor: PP, PSOE, BNG, EU, AMeca e PGD) apoiaron a iniciativa.

Mentres n’O Grove (gobernado por unha coalición liderada polo PP) os nomes das rúas suscitan acordo entre os seis partidos, en Cambados o PP (goberna con maioría absoluta) anuncia unilateralmente que concederá unha rúa ou praza a Manuel Fraga, sabendo a priori que esta decisión non vai contar co respaldo de todos os grupos da Corporación (e só son tres, a metade que no Concello veciño).